Bukak Ikan Larangan di Sorosah Tanggo

Di bulan Januari 2011 ko Solomak moadoke acara Mancing Ikan Larangan Sorosah Tanggo. Acarako dimulai tanggal 9, 16, 23 Januari tiok hari minggu. Acarako ditujukan supayo urang tau jo nogori kito ko, nak rami juo andaknyo eh,.. Taun nan lewat lah boado ke pulo acara komah, lumayan lah pominatnyo, urang Pangkalan gai koba nyo tibo.
Mulonyo Acara nan di usul ke dek pak Jorong (Rinal Wahyudi) jo pemuda Solomakko di tontang dek sebagian urang nan "nompu" tanah di Sorosah Tanggo tu. Alasan nyo takuk ikan di kramba tongah sorosah tu mati (ndak masuak diaka). Tapi pemuda yo lah padek atinyo, kobakpo?!
Paplet lah boerak ko ujung nogori, tenda lah botogakke, sado keperluan lah bo cukukke. Acara ko jadi!, niek pomuda lai elok. "piti untung dari acarako untuak Sojik jo Surau nan ado di Solomak, lobiah nyo diboli bibit untuak dimasuakke ko dalam Sorosah Tanggo liak". 

Kotu acaratu dimulai tanggal 09 Januari, yo ndak nyangko wakdo peminatnyo yo banyak, kobanyo lah ado urang nan bomalam di bendungan tu, hahahay gawat. Nan soto ado dari Padang Panjang, Bukik Tinggi, dari Solok bagai kobanyo. ondek-ondek iyo bona rami. Ponuah bendungan tu dek Onda jo Oto urang. Bebagai bontuak urang nana wak tengok, dari nan mudo sampai nan gaek, jantan podusi, cukuk.

Ha disitu pulo urang Solomak bisa mondapek rosoki, dapek pulo inyo monggaleh di topi bendungan tu, Sojik jo Surau totolong (bopahalo), urang tau jo nogori kito, tompek bogolak2. hahay
kan ndak ado nan rugi??

1. bakpo penilaiyan sanak??