Harimau Tanggo Lai Masih Diperhitungkan

Sapo nan ngecek Harimau Tanggo lah patah sainnyo? ha, lah salah godang, mak asam nan bodonga ke tu mah. Memang iyo sekitar 3 tahun nan lewat sempat fakum 4 bulan, tapi itu maso pencarian bibit baru penerus generasi sepak bola Sarilamak. Masalahnyo nan pemainnyo dulu lah banyak nan morantau.

Kini jan ditanyo, pemain bola nyo kini ndak kalah hebat jo senior2 nyo nan lah lewat. Jan ko kalah podo ajo ndak omuah, di tambah ciek duo pemain senior nan menjadi panutan dek nan mudo2. Raso kekeluargaan nan traso bona dalam tim tu, bogolak golak bak cando adiak jo kakak, di situ lomaknyo. Ndak ado nan "ditakuti" di dalam lapangan tu do, tapi di hormati. Kalo ndak bisa menghormati silahkan latihan di tempat lain.
Ciek lo kini urang Solomak lah gabung jo urang Kandang Lamo, jadi makinbanyak kawan, makin banyak pengalaman.
Ditambah pulo kini ado club junior Harimau Tanggo, makin rami sajo kami di GOR tu tiok sonjo. nan ketek2 latiha jam 3 sampai jam 5 sonjo, nan godang2 latihan jam 5 sampai urang obang sa lai ontinyo.

Bukak Ikan Larangan di Sorosah Tanggo

Di bulan Januari 2011 ko Solomak moadoke acara Mancing Ikan Larangan Sorosah Tanggo. Acarako dimulai tanggal 9, 16, 23 Januari tiok hari minggu. Acarako ditujukan supayo urang tau jo nogori kito ko, nak rami juo andaknyo eh,.. Taun nan lewat lah boado ke pulo acara komah, lumayan lah pominatnyo, urang Pangkalan gai koba nyo tibo.
Mulonyo Acara nan di usul ke dek pak Jorong (Rinal Wahyudi) jo pemuda Solomakko di tontang dek sebagian urang nan "nompu" tanah di Sorosah Tanggo tu. Alasan nyo takuk ikan di kramba tongah sorosah tu mati (ndak masuak diaka). Tapi pemuda yo lah padek atinyo, kobakpo?!
Paplet lah boerak ko ujung nogori, tenda lah botogakke, sado keperluan lah bo cukukke. Acara ko jadi!, niek pomuda lai elok. "piti untung dari acarako untuak Sojik jo Surau nan ado di Solomak, lobiah nyo diboli bibit untuak dimasuakke ko dalam Sorosah Tanggo liak". 

Wali Nagari Sarilamak, Cubo sanak nilai...

Acara pelepasan jemaah haji dimulai dari sojik Nurul Iklas Solomak, ntu jemaah diarak ko GOR Singa Harau jo talempong. Pasti macet lah kalau rombongan  haji ciek Kanagarian bojalan di jalan Lintas Sumbar - Riau. Apo konindak pulo, datuak, niniak mamak, uwan, aka', sumondo, famboyan, kmenakan, lai ateh namo dunsanak poi kosadonyo.

Ondeh yo sobona rami, baru sampai Lobuah Panjang,  lah mulai macet jalan ko. Ndak ado Polisi nan moatur jalan do, ntah bakpo pulo padahal nyak Polres Kabupaten di Solomak tu bona, oih...

Nampak dek wak Pak Wali (Budi Febriandi) bolari ntu togak di tongak lobuah godang tu. Lah bogaya Polisi lo Pak Wali kito ko, kotu itu wak meraso malu sekaligus bangga. Apo ko indak, kami nan mudo2 ndak togarik atinyo nak moatur jalan tu doa, (kalo awak tukang ambiak poto jadi memang ndak bisa do ^_^) , ciek lai wak bangga jo Pak Wali wak nan ndak gengsi moatur jalan, haha SALUT!!

Bakpo penilaian sanak??