Sarilamak Community

Oooooi rang kampung sadonyo... Pemuda Sarilamak mulai bangkik, bangkik batang torondam. Kini Solomak lah ado komunitas pemuda kreatif, inspiratif, and koperatif. SALUT!! Potang2 ko kobanyo topocah, ndak solit, mbuek onar, ntu dianggap enteng dek pendatang. Kito dianggap pembuek masalah, di rumah kito sorang. Bahkan Polisi pun beranggapan mode itu. Indak yang mudo jo tuo. Solomak longang, acara2 mulai ndak ado, pemuda2 maleh monggarik, ndak ado gairah.

SARILAMAK MULAI NDAK AMAN

Kampung Solomak kito nan kini lah padek dek urang ditambah nogori kito nan lowehko mengundang tindak kejahatan. Posisi kito nan dokek jo Polres 50 kota ndak monjadi jaminan kalau Solomak ko jauah dari kriminalitas. Ditambahlo gaya iduk urang Solomak nan lah bo kota kota lo gaya nyo, "urang-urang, awak-awak". Nogori bokombang mode kito ko lah sasaran empuk dek urang-urang nan ko boniek buruak ko kito.

Contoh nyo bulan puaso potang ko ado boborapo rumah urang awak nan di masuk i ponciluk. Dalam soari ado 3 rumah nan di masu'i malin, Rumah Pince di kampai, rumah da Is masih di kampai, ntu rumah Endi Botak di Pauah. Rumah Pince kehilangan piti jo hp. Rumah da Is, ketauan ponciluk tu masuak rumah, ntu dikoja nyo dek da Is, tapi malin tu bisa melarikan diri. Nan kotigo rumah Endi Botak di Pauah, koba2 nyo hp ilang jo piti, bahkan hp di ambiak dek pociluk di sobolah tolingo urang dirumah tu bona.

Bahkan rumah penulis di masu'i malin, di bulan puaso potang ko. Awak kehilangan Laptop kesayangan wak(tu dek ndak ado nulis potang ko). Si ponciluk ko tau maso urang jantan dirumah sodang kolua, maklum bulan puaso jadi pegadang sejati. Si ponciluk tau lokuak2 rumah, dan kemungkinan ponciluk ndak urang2 jauah. Torangah wak.

Kejadian2 mode iko ko lah pernah lo terjadi di Solomak beberapo bulan sobolun nyo, mode ado berapo buah kodai dalam pokan di bobol urang, nan diciluk nyo rokok jo piti. Ado lo Kejadian paja2 ngenek monjua bosi kantua Bupati. ntu banyak kasus2 nan lain nan ndak sampai ko publik.

Jadi wak pribadi monilai Solomak lah mulai ndak Aman. Bakpo aka lai ko sanak???

Istilah Istilah Dalam bahaso Solomak

Dalam kito bogaua di lingkungan Solomak, pasti ado gorah, sindia, pituah, jo kato ceme'eh. Apo lai sobok jo kawan2, kelua torotik tu sadonyo. Kito dan iduk dalam lingkungan nan ponuah dek sindia, pituah, ceme'eh, jo potitiah adek, secaro ndak langsung melatiah utak untuak peka akan sesuatu. Kincia2 boputa jadinyo, indak meongeuk do haha.

ado beberapo kato2 nan ado wak donga dari kawan, uwan2, amak2, bahkan datuak. Nan kalo wak mondonga nyo ado kesan lain, samo wak mondonga pepatah2. Ado nan bisa diambiah faedah nyo ado nan indak, ado yang sebateh gorah.